မြန်မာနိုင်ငံလူ့အခွင့်အရေးအခြေအနေဆိုင်ရာအထူးအစီရင်ခံတင်ပြသူ၏ ခရီးစဉ်ပြီးဆုံးချိန်ထုတ်ပြန်ချက်

မြန်မာနိုင်ငံလူ့အခွင့်အရေးအခြေအနေဆိုင်ရာအထူးအစီရင်ခံတင်ပြသူ၏ ခရီးစဉ်ပြီးဆုံးချိန်ထုတ်ပြန်ချက်

ရန်ကုန်မြို့၊ ၂၀၁၇ ခုနှစ် ဇူလိုင်လ ၂၁ ရက်

 

ယနေ့ညနေပိုင်းမှာ အခုလို တွေ့ဆုံပြောကြားခွင့်ရတဲ့အတွက် ကျေးဇူးတင်ပါတယ်။ အထူးသဖြင့် ရခိုင်ပြည်နယ်၊ ချင်းပြည်နယ်နဲ့ ဧရာဝတီတိုင်းဒေသကြီးမှာ မိုရာ ဆိုင်ကလုံးမုန်တိုင်းကြောင့် ထိခိုက် ပျက်စီးမှုများ ရှိခဲ့တဲ့အတွက် မြန်မာနိုင်ငံကို စာနာထောက်ထားကြောင်း ဦးစွာ ပြောကြားလိုပါတယ်။ ပြန်လည်တည်ဆောက်ရေး လုပ်ငန်းများ လုပ်ဆောင်နေပြီလို့ သိရှိနားလည်ထားပါတယ်။ ထိခိုက်သူများ အားလုံးရဲ့ လိုအပ်ချက်တွေကို မကြာမီ ဖြည့်ဆည်းပေးနိုင်မယ်လို့ မျှော်လင့်ပါတယ်။

 

ကြွရောက်လာကြသူများ သိကြတဲ့အတိုင်း ကျွန်မအနေနဲ့ ၁၂ ရက်ကြာ မြန်မာနိုင်ငံ ခရီးစဉ် ပြီးဆုံးခဲ့ပြီ ဖြစ်ပါတယ်။ ခရီးစဉ် လွယ်ကူချောမွေ့စေဖို့ စီစဉ်ဆောင်ရွက်ပေးခဲ့တဲ့ နိုင်ငံတော်အစိုးရနဲ့ ကုလသမဂ္ဂ ဌာနေ ညှိနှိုင်းရေးမှူးတို့ကို ကျေးဇူးတင်ပါတယ်။ ရန်ကုန်မြို့နဲ့ နေပြည်တော်၊ ရခိုင်ပြည်နယ်က ဒေသအချို့၊ ရှမ်းပြည်နယ်နဲ့ ကရင်ပြည်နယ်တို့ကို သွားရောက်ခဲ့ပါတယ်။ ရခိုင်ပြည်နယ်မှာ ကျောက်ဖြူ၊ စစ်တွေ၊ ဘူးသီးတောင်နဲ့ မောင်တောကို သွားရောက်ခဲ့ပါတယ်။ ရှမ်းပြည်နယ်မှာ လားရှိုးကိုသာ သွားရောက်နိုင်ခဲ့ပါတယ်။ ကရင်ပြည်နယ်မှာ ဖားအံကိုသာ သွားရောက်နိုင်ခဲ့ပါတယ်။ နေပြည်တော်မှာ နိုင်ငံတော်၏ အတိုင်ပင်ခံပုဂ္ဂိုလ်၊ အခြား နိုင်ငံတော်အစိုးရ၀န်ကြီးများ၊ အရာရှိများနှင့် တွေ့ဆုံခဲ့ပါတယ်။ တပ်မတော်ကာကွယ်ရေးဦးစီးချုပ်၊ ကာကွယ်ရေးဝန်ကြီးဌာန၊ ပြည်ထဲရေးဝန်ကြီးဌာန၊ သယ်ယူပို့ဆောင်ရေး နှင့် ဆက်သွယ်ရေးဝန်ကြီးဌာန၊ သာသနာရေးနှင့်ယဉ်ကျေးမှုဝန်ကြီးဌာနတို့မှ ကိုယ်စားလှယ်များနှင့် တွေ့ဆုံနိုင်ခဲ့ခြင်း မရှိပါဘူး။ ရှေ့နေချုပ်၊ နိုင်ငံတော်အစိုးရ၊ လွှတ်တော်နဲ့ ဥပဒထေုတ်ပြန်ဖွဲ့စည်းထားတဲ့ အဖွဲ့အစည်းများနှင့်လည်း တွေ့ဆုံခဲ့ပါတယ်။

 

ယခင်တုန်းက မြန်မာနိုင်ငံခရီးစဉ်များအတွက် နိုင်ငံတော်အစိုးရက ကောင်းမွန်စွာ ပူးပေါင်းဆောင်ရွက်မှု ရှိခဲ့ပါကြောင်း ကျွန်မအနေနဲ့ အသိအမှတ်ပြု ပြောကြားခဲ့ပါတယ်။ တစ်ခါတစ်ရံ သွားရောက်နိုင်မှုပိုင်း အခက်အခဲအချို့ ရှိကြောင်းလည်း ဖော်ပြခဲ့ပါတယ်။ ယခုတစ်ကြိမ်မှာတော့ သွားရောက်ခွင့်ကိစ္စရပ်နဲ့ ပတ်သတ်ပြီး နည်းနည်း ထပ်မံပြီး ပြောလိုပါတယ်။ အထူးသဖြင့် ကုလသမဂ္ဂအချက်အလက် ရှာဖွေရေး အဖွဲ့ကို ပြည်ဝင်ခွင့်ဗီဇာ မထုတ်ပေးဖို့ မကြာသေးမီက နိုင်ငံတော်အစိုးရက ဆုံးဖြတ်ချက် ချမှတ်ခဲ့ပြီး ယခု ခရီးစဉ်အတွက်လည်း နိုင်ငံတော်အစိုးရက သတ်မှတ်ချက်အသစ်တွေ ချမှတ်ဖို့ ဆောင်ရွက်ခဲ့တဲ့ အတွက်ကြောင့် ယခုလို ပြောကြားရခြင်း ဖြစ်ပါတယ်။

 

ကျွန်မရဲ့ နောက်ဆုံးအစီရင်ခံစာမှာ ပါတဲ့ အကြံပြုချက် နှစ်ရပ်ဟာ မြန်မာနိုင်ငံမြောက်ပိုင်း အခြေအနေ၊ အတိအကျ ဖော်ပြရလျှင် ကချင်ပြည်နယ်နဲ့ ရှမ်းပြည်နယ် အခြေအနေနဲ့ ပတ်သက်ပြီး လူ့အခွင့်အရေး ကောင်စီ အထူးအစည်းအဝေးကို တင်သွင်းတဲ့ အကြံပြုချက်များ၊ ရခိုင်ပြည်နယ်အခြေအနေ စုံစမ်း စစ်ဆေးရေး ကော်မရှင်အတွက် အကြံပြုချက်များ ဖြစ်ကြောင်း ဦးစွာ ထပ်လောင်းပြောကြားလိုပါတယ်။ လူ့အခွင့်အရေးကောင်စီရဲ့ မတ်လ ဆုံးဖြတ်ချက်မှာ ကျွန်မရဲ့ လုပ်ငန်းတာဝန်ကို တစ်နှစ် ထပ်မံ သက်တမ်း တိုးမြှင့်ခဲ့ပါတယ်။ တစ်ချိန်တည်းမှာ အချက်အလက်ရှာဖွေရေးအဖွဲ့ တည်ထောင်ပြီး လုပ်ငန်းတာဝန်များကို သတ်မှတ်ပေးခဲ့ပါတယ်။

 

အဲဒီ လုပ်ငန်းတာဝန်နှစ်ရပ်ဟာ သီးခြားစီဖြစ်ပါတယ်။ ယခုပြီးဆုံးသွားတဲ့ ကျွန်မရဲ့ မြန်မာနိုင်ငံခရီးစဉ်ဟာ မြန်မာနိုင်ငံလူ့အခွင့်အရေးအခြေအနေဆိုင်ရာအထူးအစီရင်ခံတင်ပြသူရဲ့ လုပ်ငန်းတာဝန် တစ်စိတ် တစ်ဒေသအနေနဲ့ လာရောက်တာဖြစ်ပါတယ်။ စင်စစ် ဒီလုပ်ငန်းတာဝန်ကို လူ့အခွင့်အရေးဆိုင်ရာ ကုလသမဂ္ဂကော်မရှင်က ၁၉၉၂ခုနှစ်မှာ ပထမဆုံး သတ်မှတ်ပေးခဲ့တာ ဖြစ်ပါတယ်။

 

အဲဒါကြောင့် ကျွန်မရဲ့ ခရီးစဉ်အတွင်း အချက်အလက်ရှာဖွေရေးအဖွဲ့နဲ့ သက်ဆိုင်တဲ့ လုပ်ဆောင်မှု တစ်စုံတစ်ရာကို မလုပ်ဆောင်ပါဘူးလို့ အာမခံချက်ပေးဖို့ နိုင်ငံတော်အစိုးရက တောင်းခံလာတဲ့အခါ ကျွန်မ အနေနဲ့ အထူးအံ့သြရပါတယ်။ နိုင်ငံတော်အစိုးရက အဲဒီလို အာမခံချက်ပေးဖို့ မျှော်လင့်ရင်း ခရီးစဉ် နေ့စွဲများကို အတည်ပြုပေးဖို့ နှောင့်နှေးခဲ့ပါတယ်။ အဲဒီလို အာမခံချက်ဟာ အထူးအစီရင်ခံတင်ပြသူအဖြစ် ကျွန်မရဲ့ လုပ်ငန်းတာဝန်ကို ထိပါးရာရောက်တယ်လို့ ကျွန်မအနေနဲ့ ထင်မြင်ယူဆပါတယ်။

 

ခရီးစဉ်နေ့စွဲတွေကို နိုင်ငံတော်အစိုးရက အတည်ပြုပေးဖို့ နှောင့်နှေးကြန့်ကြာခဲ့တဲ့အတွက် ကျွန်မ သွားရောက်ခွင့်ရမယ့် နေရာဒေသများကို အတည်ပြုရာမှာလည်း နှောင့်နှေးကြန့်ကြာခဲ့ရပါတယ်။ မြန်မာနိုင်ငံကို လာရောက်ရတဲ့အချိန် နည်းပါးတာကြောင့် တတ်နိုင်သလောက် အချိန်ကို အသုံးပြုနိုင်အောင် သွားရောက်ခွင့် ငြင်းပယ်ခံရတဲ့ နေရာဒေသတွေအစား အခြားနေရာဒေသတွေကို သွားရောက်ဖို့ သာမန်အားဖြင့် ကျွန်မ အဆိုပြုပါတယ်။ ယခုတစ်ကြိမ်မှာလည်း အလားတူ အဆိုပြုခဲ့ပါတယ်။ သို့သော် နိုင်ငံတော်အစိုးရက လုံခြုံရေးအကြောင်းများအပြင် အချိန်အလုံအလောက် ကြိုတင်ပြီး မသိရှိရလို့ ဆိုတဲ့ အကြောင်းပြချက်နဲ့ နေရာဒေသအသစ်တွေကို သွားရောက်ဖို့ အဆိုပြုတာတွေကို မကြာခဏ လက်ခံစဉ်းစားခြင်း မပြုပါဘူး။ ယခုတစ်ကြိမ်မှာလည်း အလားတူပါဘဲ။

 

သွားရောက်ခွင့် ကန့်သတ်ချက်တွေ တိုးလာတဲ့အပြင် ကျွန်မနဲ့ တွေ့ဆုံသူတွေဟာ ဆက်လက်ပြီး ခြောက်လှန့်ခြင်း ခံနေရပါတယ်။ ဓာတ်ပုံရိုက်တာတွေ၊ မတွေ့ဆုံမီနဲ့ တွေ့ဆုံပြီး မေးခွန်းတွေ မေးမြန်းတာတွေ အပါအ၀င် ဖြစ်ပါတယ်။ တစ်ဦးဆိုလျှင် နောက်ယောင်ခံလိုက်တာ ခံရပါတယ်။ ဒါကတော့ လက်ခံနိုင်ဖွယ်ရာ မရှိပါဘူး။

 

ယခုခရီးစဉ်ဟာ အစိုးရသစ် လက်ထက်မှာ တတိယအကြိမ် ဖြစ်ပါတယ်။ ယခင်အစိုးရက အသုံးပြုခဲ့တဲ့ နည်းဗျူဟာတွေကို အသုံးပြုနေဆဲပဲဆိုတာ တွေ့မြင်ရတဲ့အတွက် စိတ်ပျက်မိကြောင်း ကျွန်မ ပြောရမှာဘဲ ဖြစ်ပါတယ်။ အစိုးရသစ်အနေနဲ့ ကုလသမဂ္ဂက မြန်မာနိုင်ငံအတွက် အထူးအစီအစဉ်တွေ မထားရှိတော့ဖို့ အပါအ၀င် ကုလသမဂ္ဂနဲ့ ဆက်ဆံရေးကို ပုံမှန်ဖြစ်စေလိုတယ်လို့ ကျွန်မ နားလည်ထားပါတယ်။ အဲဒီ “အထူးအစီအစဉ်” တွေကို မဖျက်သိမ်းနိုင်မီ ပထမဆုံး မြန်မာနိုင်ငံအနေနဲ့ အာရုံစူးစိုက် စိစစ်မှု မလိုအပ်တော့တဲ့ နိုင်ငံအဖြစ် ကူးပြောင်းသွားရမှာ ဖြစ်ပါတယ်။

 

မြန်မာနိုင်ငံဟာ ဒီမိုကရေစီစနစ်ကို ကူးပြောင်းရာမှာ နေ့ချင်းညချင်းတော့ မဖြစ်နိုင်ဘူး အချိန်ယူဖို့ လိုအပ်တယ် လုပ်သာကိုင်သာအနေအထားရှိဖို့ လိုအပ်တယ်လို့ ပြောသလိုဘဲ မြန်မာနိုင်ငံဘက်ကလည်း လူ့အခွင့်အရေး အခြေအနေမှာ စစ်မှန်ပြီး သိသာမြင်သာတဲ့ တိုးတက်မှု မရရှိမချင်း အထူးအစီအစဉ်တွေကို နေ့ချင်းညချင်း ဖျက်သိမ်းပေးဖို့ မမျှော်လင့်သင့်ပါဘူး။

 

ယခုခရီးစဉ်အတွင်း လေ့လာဆန်းစစ်ခဲ့တဲ့ အကြောင်းအရာတွေ ကိစ္စရပ်တွေကို အခုအချိန်မှာ အသေးစိတ် ပြောကြားခြင်း မပြုဘဲ အထွေထွေညီလာခံကို တင်သွင်းတဲ့ အစီရင်ခံစာမှာ အသေးစိတ် ထည့်သွင်းသွားမှာ ဖြစ်ပါတယ်။ ယခုတော့ အကျဉ်းအားဖြင့် ခြုံငုံဖော်ပြလိုပါတယ်။

 

ရှမ်းပြည်နယ်မြောက်ပိုင်းအခြေအနေ ယိုယွင်းနေတာကို သိရှိရတဲ့အတွက် အထူး စိတ်ပျက်အားလျော့ မိပါတယ်။ ခရီးစဉ်အတွင်း လားရှိုးကို ကျော်လွန်ပြီး သွားရောက်လိုတဲ့ နေရာဒေသတွေကို သွားရောက်ခွင့် မရခဲ့ပါဘူး။ အခြားနိုင်ငံတကာက လုပ်ငန်းဆောင်ရွက်သူတွေအတွက်လည်း ဒီလိုပါဘဲ၊ သွားရောက်ခွင့်ရတဲ့ အခြားနေရာဒေသတွေက လစဉ် လျော့နည်းလာပါတယ်လို့ သိရှိနားလည်ထားပါတယ်။ သတင်းထောက် သုံးဦး မတရားသင်းအက်ဥပဒေနဲ့ စွဲချက်တင် ထိန်းသိမ်းခြင်းခံနေရတဲ့ သီပေါအကျဉ်းထောင်ကို သွားရောက်ဖို့ မေတ္တာရပ်ခံခဲ့ပါတယ်။ သီပေါဟာ ကမ္ဘာလှည့်ခရီးသွားတွေ သွားရောက်တဲ့ နေရာဒေသ ဖြစ်ပြီး နိုင်ငံခြားသားတွေ အများအပြား သွားရောက်နေကြပေမယ့် ကျွန်မကို သွားရောက်ခွင့် မပြုခဲ့ပါဘူး။

 

လားရှိုးမှာ ရှမ်းပြည်နယ်အစိုးရ ကိုယ်စားလှယ်များ၊ အရပ်ဖက်လူမှုအဖွဲ့အစည်း လုပ်ငန်းဆောင်ရွက်သူများ နဲ့ တွေ့ဆုံခဲ့ပါတယ်။ ပဋိပက္ခတွေ ပိုပြီး ဖြစ်နေတာ တွေ့ရတယ်၊ ပဋိပက္ခမှာ ပါဝင်သူ အသီးသီးက လူ့အခွင့်အရေး ချိုးဖောက်တယ်လို့ စွပ်စွဲပြောဆိုမှု ဖြစ်ရပ်တွေ ပိုများလာတယ်၊ အရပ်သားတွေကို အကူအညီ အလုံအလောက်ပေးနိုင်ခြင်း မရှိဘူးလို့ မြေပြင်မှာ လုပ်ငန်းဆောင်ရွက်နေတဲ့ အဖွဲ့တွေဆီက ကြားသိရတဲ့အတွက် စိုးရိမ်ပူပန်မှု ဖြစ်ရပါတယ်။ တပ်မတော်က သတ်ဖြတ်မှုတွေ၊ နှိပ်စက်ညှင်းပန်းမှုတွေ၊ လူတွေကို ဒိုင်းအဖြစ် အသုံးပြုမှုတောင် ရှိတယ်ဆိုပြီး သတင်းတွေ ထွက်ပေါ်ခဲ့ပါတယ်။ အဲဒီဖြစ်စဉ်တွေ အကြောင်း သတင်းထွက်လာရင် နောက်ထပ် အကြမ်းဖက်မှုတွေ ပြုလုပ်မယ်ဆိုပြီး ခြိမ်းခြောက်တယ် လို့တောင် စွပ်စွဲပြောဆိုကြတာ ရှိပါတယ်။ ဖြစ်ရပ်အနည်းငယ်မှာ တိုင်းရင်းသားလက်နက်ကိုင်အုပ်စုတစ်ခုနဲ့ ပူးပေါင်းဆောင်ရွက်နေသူတွေ ထောက်ခံပံပိုးနေသူတွေလို့ စွပ်စွဲခံရတဲ့ အရပ်သားတွေကို အဲဒီ တိုင်းရင်းသားလက်နက်ကိုင်အုပ်စုရဲ့ ၀တ်စုံကို အတင်းအကြပ် ၀တ်ဆင်စေပြီးမှ နှိပ်စက်ညှင်းပန်းတယ် ဆိုပြီး သတင်းတွေ ထွက်ပါတယ်။

 

မကြာသေးမီက ကလေးသူငယ်နှင့် လူငယ် ၆၇ဦးကို တပ်မတော်မှ နုတ်ထွက်ခွင့်ပြုကြောင်း ဇွန်လက သတင်းထုတ်ပြန်ခြင်းကို ကြိုဆိုပါတယ်။ သို့သော် နယ်မြေဒေသတွင်း လှုပ်ရှားနေတဲ့ တိုင်းရင်းသား လက်နက်ကိုင် အုပ်စုအချို့နဲ့ ပြည်သူ့စစ်အသီးသီးက အဓမ္မ တပ်သားအဖြစ် စုဆောင်းမှုတွေ၊ အနိုင်အထက် ဖမ်းဆီးခေါ်ဆောင်မှုတွေ များပြားလာတယ်လို့ သတင်းများ ကြားသိရပါတယ်။ အရပ်သား များဟာ ပဋိပက္ခဖြစ်နေသူများအကြား ကြားညပ်ပြီး မလျော်မကန်ပြုမူမှုတွေ၊ မိုင်းအန္တရာယ်တွေ၊ ထိတွေ့ တိုက်ပွဲဖြစ်ပွားမှုတွေနဲ့ ရင်ဆိုင်နေရတဲ့အချိန်မှာ အကူအညီ ရရှိနိုင်မှု လျော့နည်းနေပါတယ်။ ယခု တစ်ခေါက်မှာ ကျွန်မ သွားရောက်နိုင်ခဲ့ခြင်း မရှိပေမယ့် ကချင်ပြည်နယ်က အခြေအနေကလည်း အလွန် ဆိုးဝါးနေတယ်လို့ သိရှိနားလည်ရပါတယ်။ အစိုးရထိန်းချုပ်မှုအောက်မှာ မရှိသော နယ်မြေဒေသများကို ကုလသမဂ္ဂက သွားရောက်နိုင်ခြင်း မရှိတာ တစ်နှစ်ကျော် ကြာမြင့်လျက်ရှိပြီး တနိုင်းမြို့နယ်မှာလည်း စိုးရိမ်ပူပန်ဖွယ်ရာ ဖြစ်စဉ်တွေ ဖြစ်ပွားနေပါတယ်။

 

ယခု တက်ရောက်လာကြသူများလည်း သိရှိပြီး ဖြစ်နိုင်ပါတယ်။ ဖြစ်ရပ်များ ဖြစ်ပွားရာနေရာကို ပထမအကြိမ် ကျွန်မ ခရီးစဉ်သွားရောက်ခဲ့တာ ရခိုင်ပြည်နယ်က ကျောက်ဖြူ ဖြစ်ပါတယ်။ စီးပွားရေး လုပ်ငန်းများ အထူးသဖြင့် အထူးစီးပွားရေးဇုန် သုံးခုဖြစ်တဲ့ ကျောက်ဖြူ၊ ထားဝယ်၊ သီလ၀ါတို့နဲ့ လူ့အခွင့်အရေးများကို အဓိကထားခြင်းရဲ့ တစ်စိတ်တစ်ဒေသအနေနဲ့ သွားရောက်ခဲ့တာ ဖြစ်ပါတယ်။ အဲဒီ နယ်မြေဒေသမှာ လုပ်ငန်းဆောင်ရွက်နေတဲ့ အရပ်ဖက်လူမှုအဖွဲ့အစည်းဝင်တွေ၊ အဲဒီ အထူးစီးပွားရေး ဇုန်တွေ သာမက မဒဲကျွန်း စီမံချက် အပါအ၀င် ဆောင်ရွက်ပြီးနဲ့ ဆောင်ရွက်ဆဲ စီမံချက်ကြီးတွေကြောင့် ထိခိုက်ခဲ့တဲ့ လယ်သမားတွေ၊ ရေလုပ်သားတွေ အပါအ၀င် ရပ်ရွာမှာ နေထိုင်သူတွေနဲ့ တွေ့ဆုံခဲ့ပါတယ်။ တိုင်ပင်ဆွေးနွေးခြင်း သို့မဟုတ် လျော်ကြေးပေးခြင်း အလျဉ်းမရှိဘဲ သို့မဟုတ် အနည်းငယ်မျှဘဲ လုပ်ဆောင်ပြီး မြေသိမ်းဆည်းခံရတဲ့ အတွေ့အကြုံတွေ၊ ကုစားမှု ရရှိဖို့ ကြိုးပမ်းဆောင်ရွက်ပေမယ့် အကြောင်းပြန် တုံ့ပြန်မှု မရှိခဲ့တဲ့ အတွေ့အကြုံတွေကို အဲဒီ ရပ်ရွာအသိုက်အ၀န်းတွေက ပြန်ပြောင်း ပြောပြကြပါတယ်။ အခြားနယ်မြေဒေသတွေကို သွားရောက်စဉ်မှာလဲ အလားတူ ဖြစ်ရပ်တွေကို ကြားသိရပါတယ်။ အမှန်တကယ် နိုင်ငံတစ်ဝန်း ဖြစ်ပွားနေတဲ့ ပြဿနာဖြစ်တယ်လို့ တွေ့ရှိရပါတယ်။

 

ရခိုင်နဲ့ ပတ်သက်လို့ ရခိုင်ပြည်နယ်အကြံပေးကော်မရှင်ရဲ့ ကြားဖြတ် အကြံပြုချက်တွေ၊ အထူးသဖြင့် ရပ်ရွာ အသိုက်အ၀န်း သုံးခုအပေါ် သက်ရောက်မှုရှိတဲ့ စခန်းသုံးခုကို ပိတ်သိမ်းဖို့ အကြံပြုချက်ကို နိုင်ငံတော် အစိုးရက အကောင်အထည်ဖော်ရာမှာ တိုးတက်မှုကို သိရှိရဖို့လည်း ကြိုးပမ်းခဲ့ပါတယ်။ ကမန် ခေါင်းဆောင်များနဲ့ တွေ့ခွင့်ရခဲ့သလို အကြံပြုထားတဲ့အတိုင်း မူရင်းနယ်မြေဒေသကို မပြန်ဘဲ ရန်ကုန်မြို့ကို ပြောင်းရွှေ့ဖို့ ကမ်းလှမ်းခြင်းခံရတဲ့ နေရပ်စွန့်ခွာခဲ့ရတဲ့ ရပ်ရွာအသိုက်အ၀န်းက လူတွေနဲ့လည်း တွေ့ဆုံခွင့်ရခဲ့ပါတယ်။ ကညင်တောက နေရပ်စွန့်ခွာလာရတဲ့ ရခိုင်ရပ်ရွာအသိုက်အ၀န်းက လူတွေကို ပြန်လည်နေရာချထားပေးတဲ့ ပြင်ဖြူမော်ကျေးရွာကိုလည်း သွားရောက်ခဲ့ပါတယ်။ မူရင်း နယ်မြေဒေသကို ပြန်လည်သွားရောက်လိုကြောင်း ကနဦး ဆန္ဒပြုခဲ့သူအချို့နဲ့လည်း တွေ့ဆုံခဲ့ပါတယ်။ ကြိမ်နီပြင်စခန်းမှာ နေရပ်စွန့်ခွာနေရဆဲဖြစ်တဲ့ ရိုဟင်ဂျာအသိုက်အ၀န်းနဲ့တော့ တွေ့ဆုံနိုင်ခဲ့ခြင်း မရှိပါဘူး။  ပြန်လည်နေရာချထားရေးအတွက် အဲဒီလို ကွဲပြားခြားနားပြီး တစ်ပြေးညီ မဟုတ်တဲ့ လုပ်နည်းလုပ်ဟန်တွေ အရ စခန်းတွေမှာ နေထိုင်နေရဆဲ ဖြစ်တဲ့ ကာလရှည် ပြည်တွင်းနေရပ်စွန့်ခွာနေရသူ (အိုင်ဒီပီ) ခန့်မှန်း ၁၂၀,၀၀၀ အတွက် ရေရှည်တည်တံ့နိုင်မယ့် ဖြေရှင်းရဖို့ အလားအလာကတော့ ယခုအထိ နည်းပါးနေဆဲ ဖြစ်ပါတယ်။ ကလေးမွေးဖွားမှု မှတ်ပုံတင်ခြင်းနဲ့ ပတ်သက်လို့ ကော်မရှင်ရဲ့ အကြံပြုချက်နဲ့အညီ ကလေးမွေးဖွားမှု မှတ်ပုံတင်ခြင်း တိုးတက်ကောင်းမွန်အောင် ကြိုးပမ်းဆောင်ရွက်နေတယ်လို့ သိရှိရပါတယ်။ ရခိုင်ပြည်နယ်မှာ မွေးစာရင်း ၂၀,၀၀၀ ကျော် ထုတ်ပေးခဲ့ခြင်းကိုလည်း ကြိုဆိုပါတယ်။

 

ဇန်န၀ါရီလအတွင်း နောက်ဆုံးခရီးစဉ်လာရောက်ခဲ့ပြီး နောက်ပိုင်းမှာ ရိုဟင်ဂျာတွေရဲ့ ယေဘုယျ အခြေအနေကတော့ တိုးတက်ကောင်းမွန်မှု မရှိသလောက်ပါဘဲ။ ရခိုင်ပြည်နယ်မြောက်ပိုင်းမှာ ပိုပြီး ရှုပ်ထွေးမှုတွေ ဖြစ်လာပါတယ်။ လုံခြုံရေးတပ်ဖွဲ့တွေက စစ်ဆင်ရေးများအတွင်း ကျူးလွန်မှုတွေ ရှိတယ်လို့ စွပ်စွဲပြောဆိုချက်သတင်းတွေကို ဆက်လက်ပြီး လက်ခံရရှိနေပါတယ်။ နိုင်ငံသားစိစစ်ဖို့ လျှောက်ထားတဲ့ ရိုဟင်ဂျာတွေ၊ အာဏာပိုင်တွေနဲ့ ပူးပေါင်းဆောင်ရွက်ပြီး အာဏာပိုင်တွေအတွက် လုပ်ငန်းဆောင်ရွက် ပေးတဲ့ ကျေးရွာအုပ်ချုပ်ရေးမှူးတွေနဲ့ အခြား မူဆလင်တွေကို အမည်မသိလူတွေက တိုက်ခိုက်တဲ့ ဖြစ်ရပ်တွေလည်း ရှိခဲ့တယ်လို့ ယူဆရပါတယ်။ အဲဒီဖြစ်ရပ်တွေကြောင့် ရိုဟင်ဂျာအများအပြားဟာ ထိတ်လန့် တုန်လှုပ်နေရပြီး နှစ်ဖက်လုံးက အကြမ်းဖက်မှုအကြားမှာ ကြားညပ်နေကြပါတယ်။

 

ပြည်နယ်အဆင့်နဲ့ ပြည်ထောင်စုအဆင့် အရာရှိများက ရခိုင်အသိုက်အ၀န်းသာမက မူဆလင် အသိုက်အ၀န်းကိုလည်း ကာကွယ်စောင့်ရှောက်မှုပေးဖို့နဲ့ လုံခြုံရေးဆောင်ရွက်ပေးဖို့ တာဝန်ရှိကြောင်း ထုတ်ဖော်ပြောကြားခဲ့တယ်ဆိုတာ ဖော်ပြအပ်ပါတယ်။ ချိုးဖောက်မှု စွပ်စွဲချက်များအားလုံးကို စုံစမ်းစစ်ဆေးခြင်း အပါအ၀င် အခိုင်အမာ လုပ်ရပ်တွေ လုပ်ဆောင်ရမှာ ဖြစ်ပါတယ်။ တစ်ချိန်တည်းမှာ ခွဲခြားဆက်ဆံတဲ့ လုပ်နည်းလုပ်ဟန်တွေ အဆုံးသတ်ပြီး လွတ်လပ်စွာ သွားလာနိုင်ခွင့်ကို ပြန်လည်ရရှိအောင် ချက်ခြင်းဆောင်ရွက်ပေးရမှာ ဖြစ်ပါတယ်။

 

လက်ရှိအခြေအနေအတွက် ၀မ်းနည်းကြောင်း၊ အသိုက်အ၀န်းနှစ်ခုလုံးမှ သဘောထားတင်းမာသူများနဲ့ အစိုးရတွင်းမှာတောင်မှ သဘောထားတင်းမာသူများရှိနေခြင်းကြောင့် ပြဿနာများ ဖြစ်ပေါ်နေရတယ်လို့ ယုံကြည်ယူဆကြောင်း၊ နိုင်ငံတကာ အသိုက်အ၀န်းအနေနဲ့ ရခိုင်အသိုက်အ၀န်းထဲက အစွန်းရောက်သူ အချို့ရဲ့ လုပ်ရပ်တွေကို ကြည့်ပြီး ရခိုင်အသိုက်အ၀န်း တစ်ခုလုံးကို အကဲမဖြတ်သင့်ကြောင်း ရခိုင်အသိုက်အ၀န်းမှ ကျွန်မကို ပြောကြားပါတယ်။ အလားတူ ကျောက်တလုံးအိုင်ဒီပီစခန်းမှာ ကျွန်မ တွေ့ဆုံခဲ့တဲ့ ကမန် မူဆလင်တွေက ကျောက်ဖြူမြို့မှာ နေထိုင်တဲ့ ရခိုင်အသိုက်အ၀န်းနဲ့ ပြဿနာ မရှိကြောင်း၊ သို့သော် သီးခြား ခွဲထားခြင်းခံရကြောင်း ပြောပြကြပါတယ်။ စခန်းမှာ သုံးရက်ပဲနေရမှာပါလို့ အိုင်ဒီပီတွေကို ပြောခဲ့ကြောင်း ကြားသိရတဲ့အတွက် ကျွန်မ ၀မ်းနည်းမိပါတယ်။ သုံးရက်ကနေ နှစ်ပေါက်ရုံမက ငါးနှစ်အထိတောင် ကြာခဲ့ပြီ ဖြစ်ပါတယ်။

 

အောက်တိုဘာလ ၉ ရက်နေ့ တိုက်ခိုက်မှုများနဲ့ စပ်လျဉ်းပြီး ဖမ်းဆီးစွဲချက်တင်ခံထားရသူ အချို့ကို ဘူးသီးတောင်အကျဉ်းထောင်မှာ တွေ့ဆုံခဲ့ပါတယ်။ ထိန်းသိမ်းခံအများစုမှာ ရှေ့နေလိုက်ပါဆောင်ရွက်တာ မတွေ့ရပါဘူး။ သူတို့ကို ဘာစွဲချက်တွေ တင်ထားတယ်ဆိုတာလည်း အပြည့်အ၀ နားလည်သဘောပေါက် ဟန် မတူပါဘူး။ တရားရုံးမှာ သူတို့ကိုယ်သူတို့ ကောင်းစွာ ခုခံကာကွယ်နိုင်ခြင်းလည်း မရှိဘူးလို့ ထင်မြင် ယူဆရပါတယ်။ အရွယ်မရောက်သေးသူတွေကို ယေဘုယျအားဖြင့်ရော၊ အောက်တိုဘာ ၉ ရက် တိုက်ခိုက်မှုတွေနဲ့ ပတ်သက်ပြီးတော့ရော ဖမ်းဆီးထိန်းသိမ်းထားတာ၊ ထိန်းသိမ်းခံရစဉ် အသက်သေဆုံးမှု ဖြစ်ပွားတာတွေကြောင့် အထူး စိုးရိမ်ပူပန်မှု ဖြစ်ပါတယ်။ လူသားချင်းစာနာရေး လုပ်ငန်းဆောင်ရွက်ဖို့ သွားရောက်ခွင့်ကို သတ်မှတ်ချက်တွေ ထားရှိပြီးတော့သာ ခွင့်ပြုတာ ဖြစ်ပါတယ်။ လူသားချင်းစာနာရေး လုပ်ငန်းဆောင်ရွက်သူတွေအနေနဲ့ လိုအပ်တဲ့ အကဲဖြတ်ချက်တွေ ပြုလုပ်ဖို့၊ လိုအပ်တဲ့ အကူအညီနဲ့ ၀န်ဆောင်မှုတွေ ပေးပို့နိုင်ဖို့ လုပ်ငန်းဆောင်ရွက်ရာမှာ အဟန့်အတား ဖြစ်ပါတယ်။ အဲဒီအပြင် လူ့အခွင့်အရေးများ စောင့်ကြည့်စစ်ဆေးရေးနဲ့ အကာအကွယ်ပေးရေး လုပ်ငန်းတွေအတွက် သွားရောက်ခွင့် ရရှိရေးဟာလည်း တန်းတူညီမျှ အရေးကြီးပါတယ်။

 

ကရင်ပြည်နယ်မှာ ဖားအံမှတပါး အခြားနေရာဒေသများကို သွားရောက်ခွင့် မရရှိခဲ့ပါဘူး။ ကရင်ပြည်နယ်ကို ပထမအကြိမ် သွားရောက်ခဲ့စဉ် ထိုက်သင့်တဲ့ တိုင်ပင်ဆွေးနွေးမှု လျော်ကြေးပေးမှု မရှိဘဲ မြေသိမ်းခံရပြီး မြေပေါ်က အဓမ္မ မောင်းထုတ်ခံရတဲ့ ကရင်ပြည်နယ်တစ်ဝန်းက အသိုက်အ၀န်းတွေနဲ့အတူ လုပ်ငန်း ဆောင်ရွက်နေတဲ့ အရပ်ဖက် လူမှုအဖွဲ့အစည်း အုပ်စုများနဲ့ တွေ့ဆုံခဲ့ပါတယ်။ အချို့ဖြစ်ရပ်တွေမှာ လယ်သမားတွေဟာ အသိမ်းခံရတဲ့ မြေအတွက် မြေခွန်ဆောင်နေရဆဲဖြစ်ပြီး အချို့ဖြစ်ရပ်တွေမှာ သူတို့မြေကို မတန်တဆ ဈေးကြီးပေးပြီး ပြန်ဝယ်ခိုင်းတယ်လို့ ကြားသိရတဲ့အတွက် တုန်လှုပ်ခြောက်ခြား မိပါတယ်။ ဒီနယ်မြေဒေသမှာရော အခြားနယ်မြေဒေသတွေမှာရော အိမ်တွင်း အကြမ်းဖက်မှုနဲ့ ကလေးသူငယ်များကို အကြမ်းဖက်မှုတို့ များပြားလာတယ်၊ သက်ဆိုင်ရာ ၀န်ကြီးဌာနများကလည်း တစ်နိုင်ငံလုံး အကူအညီပေးရေး စီမံချက်များ စတင်ဆောင်ရွက်နိုင်ဖို့ ငွေကြေးအရင်းအမြစ်နဲ့ လူ့စွမ်းအားအရင်းအမြစ် မရှိဘူးလို့ ကြားသိရပါတယ်။ ထိုင်း-မြန်မာ နယ်စပ်ဒေသမှာ နေရပ်စွန့်ခွာရတဲ့ သောင်းဂဏန်းရှိတဲ့ လူတွေထဲက အများအပြားဟာ မြေမြှုပ်မိုင်းတွေရှိနေပြီး တပ်တွေ လှုပ်ရှားနေတာကြောင့် နေရပ်ပြန်ဖို့ ကြောက်ရွံ့နေကြဆဲဖြစ်တယ်၊ အခုရောက်ရှိနေတဲ့ နေရာမှာလည်း အကူအညီတွေကို လျှော့ချနေတဲ့အတွက် ရှေ့ဆက်ဖို့ မလွယ်ကူတဲ့ အခြေအနေကို ပိုမိုပြီး ရင်ဆိုင်နေကြရတယ်လို့ သတင်းတွေ ကြားသိရပါတယ်။

 

မြိုင်ကလေးဘိလပ်မြေစက်ရုံ နယ်မြေကိုလည်း သွားရောက်ဖို့ ဆန္ဒရှိခဲ့ပေမယ့် ခွင့်ပြုချက် မရရှိခဲ့ပါဘူး။ ထုံးစံအတိုင်း လုံခြုံရေးကိစ္စရပ်များကြောင့် ဖြစ်ပါတယ်။ ဒါပေမယ့် ဖားအံ-ရန်ကုန် ကားလမ်းပေါ်ကနေ ဘိလပ်မြေစက်ရုံကို ကောင်းကောင်း တွေ့မြင်နိုင်တဲ့အတွက် အံ့သြခဲ့ရပါတယ်။ တစ်နေ့ကို ဘိလပ်မြေ တန် ၄၀၀၀ ထွက်တဲ့ စက်ရုံနေရာကို အဝေးကနေ လှမ်းမြင်ခဲ့ရပါတယ်။

 

နယ်မြေဒေသအချို့မှာ နေထိုင်ကြတဲ့ ရပ်ရွာအသိုက်အ၀န်းများထံမှ ပြည်သူလူထုအတွက် အထောက်အထားစာရွက်စာတမ်းများဆိုင်ရာ စိုးရိမ်ပူပန်မှုများရှိကြောင်း ကြားသိရပါတယ်။ ကရင်ပြည်နယ်မှာ မှတ်ပုံတင်ကတ်ပြားရဖို့ အချိန်ကြာကြောင်း၊ မြန်ချင်လျှင် လာဘ်ပေးရကြောင်း ကိုယ်တွေ့ ပြောပြကြတာကို ကြားသိခဲ့ရပါတယ်။ ကျောက်ဖြူမှာတော့ နိုင်ငံသားစိစစ်ရေး လုပ်ငန်းစဉ် နှေးကွေးတာကြောင့် ကမန် မိသားစု တွင် မူဆလင် မိသားစုဝင်များဟာ ကျောက်တလုံး စခန်းမှာဘဲ နေနေရပြီး ထိုမိသားစုမှ ဗုဒ္ဓဘာသာ ၀င်များကတော့ နှစ်သက်ရာနေရာမှာ ရွေးချယ်နေထိုင်ခွင့် ရရှိကြတယ်လို့ ကြားသိရပါတယ်။ ရခိုင်ပြည်နယ်မြောက်ပိုင်းမှာ ရိုဟင်ဂျာအသိုက်အ၀န်းကို ငါးမျှားချင်ရင်၊ စားနပ်ရိက္ခာ အကူအညီ ရယူချင်ရင်၊ အလုပ်လုပ်ချင်ရင် နိုင်ငံသားဖြစ်မှု စစ်ဆေးအတည်ပြုရေး ကတ်ပြား (NVC) ရယူရမယ်လို့ သတ်မှတ်လုပ်ဆောင်ကြောင်းလည်း ကြားသိရပါတယ်။ နိုင်ငံသားဖြစ်မှု စစ်ဆေး အတည်ပြုရေး လုပ်ငန်းစဉ်ဟာ မိမိသဘောဆန္ဒအလျောက်သာ လုပ်ဆောင်စေရမှာ ဖြစ်ပါတယ်။

 

ဆက်သွယ်ရေးအက်ဥပဒေ ပုဒ်မ ၆၆ (ဃ) အရ တရားစွဲဆိုတင်ပို့မှုတွေ စိုးရိမ်ပူပန်ဖွယ်ရာ များပြားလာကြောင်း၊ အဲဒီဥပဒေကို ပြင်ဆင်ဖို့ ကြိုးပမ်းအားထုတ်မှုများအကြောင်း၊ ကျွန်မအနေနဲ့ စောင့်ကြည့်လေ့လာနေတဲ့ အခြား ဥပဒေများရဲ့ အနေအထား ဆိုင်ရာ နောက်ဆုံးသတင်းများလည်း ရရှိပါတယ်။

 

အဲဒီကိစ္စနဲ့ အခြားကိစ္စရပ်တွေဆိုင်ရာ နောက်ထပ် အသေးစိတ်အချက်အလက်တွေကို အောက်တိုဘာလ အတွင်း ကုလသမဂ္ဂ အထွေထွေညီလာခံကို တင်သွင်းမယ့် ကျွန်မရဲ့ အစီရင်ခံစာမှာ ထည့်သွင်း ဖော်ပြသွားပါမယ်။

 

လူအတော်များများအတွက် တိုးတက်ကောင်းမွန်မှုတွေ ရရှိခဲ့တယ်ဆိုတာ အသိအမှတ်ပြုပါတယ်။ ကျွန်မ တွေ့ဆုံစကားပြောဆိုခဲ့ရတဲ့အထဲမှာတော့ အဲဒီလိုလူတွေ သိပ်များများ မပါဝင်တာ ဖြစ်နိုင်ပါတယ်။ အချို့သော ၀န်ကြီးဌာနများက ရှင်းလင်းသိသာစွာ အလေးအနက်ထား ကတိက၀တ်ပြု ဆောင်ရွက်နေတာ တွေကို ကျွန်မအနေနဲ့ ကြိုဆိုပါတယ်။ ဥပမာ ပညာရေးဝန်ကြီးဌာနဆိုရင် နိုင်ငံတစ်ဝန်း အရည်အသွေး မြင့်မားတဲ့ ကျောင်းပညာရေး ပိုမို တက်ရောက်သင်ကြားနိုင်ကြစေဖို့ ကျယ်ကျယ်ပြန့်ပြန့် ကြိုးပမ်းလျက် ရှိပါတယ်။ ကျန်းမာရေးဝန်ကြီးဌာနရဲ့ ကာကွယ်ဆေးထိုးပေးနိုင်တဲ့အတိုင်းအတာကို တိုးချဲ့ဖို့ ကြိုးပမ်း အားထုတ်မှုများဟာလည်း ချီးမွမ်းဖွယ်ရာ ဖြစ်ပါတယ်။ သယံဇာတနဲ့ သဘာဝပတ်ဝန်းကျင် ထိန်းသိမ်းရေး ၀န်ကြီးဌာနရဲ့ သယံဇာတကဏ္ဍမှာ ရှုပ်ထွေးတဲ့ စိန်ခေါ်မှုတွေကို ဖြေရှင်းဖို့ ရှင်းလင်းသိသာစွာ ဆောင်ရွက်နေတာလည်း ချီးကျူးဖွယ်ရာ ဖြစ်ပါတယ်။

 

ပိုပြီးတော့ ထိရှလွယ်တဲ့ အခြားနယ်ပယ်တွေမှာလည်း လာမယ့် လအနည်းငယ်အတွင်းမှာ အလားတူ အလေးအနက်ထားဆောင်ရွက်ချက်တွေ ရှင်းလင်းသိသာစွာ ထွက်ပေါ်လာပြီး ကုလသမဂ္ဂ အထွေထွေ ညီလာခံကို တင်သွင်းမယ့် အစီရင်ခံစာမှာ ထည့်သွင်းဖော်ပြနိုင်မယ်လို့ မျှော်လင့်ပါတယ်။ ဥပမာ လူသားချင်းစာနာရေး လုပ်ငန်းတွေအတွက် သွားရောက်ခွင့် အပြည့်အ၀ ပြန်လည်ပေးအပ်ဖို့အတွက် ရှင်းလင်းသိသာတဲ့ လုပ်ဆောင်ချက်တွေ၊ ချိုးဖောက်မှုတွေမဖြစ်အောင် တားဆီးပြီး ကျူးလွန်ခံရသူတွေကို အကူအညီပေးပို့ လုပ်ဆောင်ချက်တွေ၊ ရခိုင်ပြည်နယ်အကြံပေးကော်မရှင်ရဲ့ ကြားဖြတ်အကြံပြုချက်တွေကို အပြည့်အ၀ အကောင်အထည်ဖော်ဖို့ လုပ်ဆောင်ချက်တွေ၊ ဖွံ့ဖြိုးရေးစီမံချက်အသစ်အားလုံးနဲ့ ဆက်လက် လုပ်ဆောင်မယ့် ဖွံ့ဖြိုးရေးစီမံချက်အားလုံးအတွက် စနစ်တကျ စစ်မှန်တဲ့ တိုင်ပင်ဆွေးနွေးမှု ပြုလုပ်နိုင်ဖို့နဲ့ နိုင်ငံတကာ စံချိန်စံနှုန်းများနဲ့အညီ ထိခိုက်သူ အားလုံးကို လုံလောက်တဲ့ လျော်ကြေးပေးဖို့ လုပ်ဆောင်ချက်တွေ ဖြစ်ပါတယ်။

 

အာဆီယံအသင်းကိုလည်း “ဥပေက္ခာမပြုရေး” ရပ်တည်ချက်ထားရှိပြီး မြန်မာနိုင်ငံအနေနဲ့ အပြည့်အ၀ ဒီမိုကရေစီထွန်းကားတဲ့ လူ့ဘောင်အဖွဲ့အစည်းအဖြစ် အပြည့်အ၀ အသွင်ကူးပြောင်းရေး ခရီးမှာ အကူအညီပေးဖို့ အထူးတိုက်တွန်းလိုပါတယ်။

 

မြန်မာနိုင်ငံဟာ အခွင့်အရေးများကို လေးစားတဲ့နိုင်ငံ ဖြစ်လာနိုင်တယ်လို့ ကျွန်မ သိရှိထားတာနဲ့အညီ ပြည်သူလူထုတစ်ရပ်လုံးရဲ့ အခွင့်အရေးများကို လေးစား စောင့်ထိန်းပြီး အကာအကွယ်ပေးတဲ့ နိုင်ငံ ဖြစ်လာစေဖို့ ကျွန်မတတ်နိုင်တဲ့ ဘယ်နည်းလမ်းနဲ့မဆို မြန်မာနိုင်ငံကို အကူအညီပေးဖို့ အမြဲတစေ အသင့်ရှိပါတယ်။

 

ကျေးဇူးတင်ပါတယ်။

 

 


 

နောက်ဆက်တွဲ –
တွေ့ဆုံခဲ့ခြင်းများစာရင်း/တွေ့ဆုံရန်တောင်းခံခဲ့ခြင်းများစာရင်း၊
သွားရောက်ခဲ့သော နယ်မြေဒေသများနှင့် သွားရောက်ခွင့်တောင်းခံခဲ့သော နယ်မြေဒေသများစာရင်း

 

ပြည်ထောင်စုအစိုးရ အရာရှိများ

 

တွေ့ဆုံခဲ့ခြင်းများ

  • နိုင်ငံတော်၏ အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီးဌာန ပြည်ထောင်စုဝန်ကြီး၊ သမ္မတရုံးဝန်ကြီးဌာန ပြည်ထောင်စုဝန်ကြီး (နိုင်ငံတော်၏ အတိုင်ပင်ခံပုဂ္ဂိုလ်ရုံးဝန်ကြီးဌာန ပြည်ထောင်စုဝန်ကြီး နှင့်အတူ)
  • နယ်စပ်ရေးရာဝန်ကြီးဌာန ပြည်ထောင်စုဝန်ကြီး၊ ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးရေး အကောင်အထည်ဖော်မှု ဗဟိုကော်မတီ
  • ပြန်ကြားရေးဝန်ကြီးဌာန ပြည်ထောင်စုဝန်ကြီး
  • သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး
  • အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး
  • စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး
  • ကျန်းမာရေးနှင့်အားကစားဝန်ကြီးဌာန ပြည်ထောင်စုဝန်ကြီး
  • လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန အမြဲတမ်းအတွင်းဝန်၊ အမျိုးသားသဘာဝဘေး စီမံခန့်ခွဲရေး ကော်မတီ
  • ပညာရေးဝန်ကြီးဌာန ပြည်ထောင်စုဝန်ကြီး
  • ပြည်ထောင်စုရှေ့နေချုပ်

 

တွေ့ဆုံရန်တောင်းခံခဲ့သော်လည်း တွေ့ဆုံခွင့်မရခဲ့သည့်စာရင်း

  • ပြည်ထဲရေးဝန်ကြီးဌာန ပြည်ထောင်စုဝန်ကြီး
  • ကာကွယ်ရေးဝန်ကြီးဌာန ပြည်ထောင်စုဝန်ကြီး
  • သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး
  • သယ်ယူပို့ဆောင်ရေးနှင့် ဆက်သွယ်ရေးဝန်ကြီးဌာန ပြည်ထောင်စုဝန်ကြီး

 

လွှတ်တော်

  • အမျိုးသားလွှတ်တော် ဥပဒေကြမ်းကော်မတီ
  • ဥပဒေရေးရာနှင့် အထူးဖြစ်ရပ်များ စိစစ်သုံးသပ်ရေးကော်မရှင်

 


 

အခြားအဖွဲ့အစည်းများ

  • မြန်မာအမျိုးသားလူ့အခွင့်အရေးကော်မရှင်
  • မြန်မာနိုင်ငံ စာနယ်ဇင်းကောင်စီ
  • သိမ်းဆည်းခံ လယ်ယာမြေနှင့် အခြားမြေများ ဆိုင်ရာ ဗဟိုကော်မတီ
  • မောင်တောဒေသ စုံစမ်းစစ်ဆေးရေး ပြည်ထောင်စုအဆင့် ကော်မရှင်

 

တပ်မတော် (တွေ့ဆုံရန်တောင်းခံခဲ့သော်လည်း တွေ့ဆုံခွင့်မရခဲ့သည့်စာရင်း)

  • တပ်မတော်ကာကွယ်ရေးဦးစီးချုပ်
  • အရှေ့မြောက်တိုင်းစစ်ဌာနချုပ်တိုင်းမှူး

 

ရခိုင်ပြည်နယ်

 

တွေ့ဆုံခဲ့ခြင်းများနှင့် သွားရောက်ခဲ့သော နယ်မြေဒေသများ

  • ရခိုင်ပြည်နယ်ဝန်ကြီးချုပ်နှင့် ရခိုင်ပြည်နယ်အစိုးရ ကိုယ်စားလှယ်များ
  • ကျောက်ဖြူမြို့နယ် ပြင်ဖြူမော်ရှိ ပြန်လည်နေရာချထားပြီးသော ရခိုင်လူမျိုး အသိုက်အ၀န်း
  • ကျောက်ဖြူ အထူးစီးပွားရေးဇုန် ဆောင်ရွက်ခြင်းကြောင့် ထိခိုက်သော ရပ်ရွာအသိုက်အ၀န်းများ
  • မဒဲကျွန်းမှ ထိခိုက်သော ရပ်ရွာအသိုက်အ၀န်း
  • ကျောက်ဖြူမြို့နယ် ကျောက်တလုံး စခန်းမှ ရပ်ရွာအသိုက်အ၀န်း
  • စစ်တွေမြို့မှ ရခိုင်လူမျိုး ရပ်မိရပ်ဖများနှင့် တွေ့ဆုံခြင်း
  • စစ်တွေမြို့ အောင်မင်္ဂလာရပ်ကွက်မှ မူဆလင် အသိုက်အ၀န်း
  • စစ်တွေမြို့ သက်ကယ်ပြင်စခန်းမှ မူဆလင် အသိုက်အ၀န်း
  • ကျောက်ဖြူအထူးစီးပွားရေးဇုန် စီမံခန့်ခွဲမှု ကော်မတီဝင်များ

 

သွားရောက်ရန် တောင်းခံခဲ့သော်လည်း ခွင့်ပြုချက်မရရှိခဲ့သည့် နယ်မြေဒေသများ

  • ပေါက်တောမြို့နယ် ကြိမ်နီ အိုင်ဒီပီစခန်း

 

ရှမ်းပြည်နယ်

 

တွေ့ဆုံခဲ့ခြင်းများ

  • ရှမ်းပြည်နယ်အစိုးရ ဒုတိယ ပြည်နယ် အုပ်ချုပ်ရေးမှူး
  • အိုင်ဒီပီများနှင့် ပဋိပက္ခမှုဆိုင်ရာ လုပ်ငန်း ဆောင်ရွက်နေသော အရပ်ဖက် လူမှုအဖွဲ့အစည်းများမှ ပုဂ္ဂိုလ်များ

 

သွားရောက်ခွင့်တောင်းခံခဲ့သော်လည်း ခွင့်ပြုချက် မရရှိခဲ့သည့် နယ်မြေဒေသများ

  • ကွတ်ခိုင်၊ မူဆယ်နှင့် နမ့်ခမ်း နယ်မြေဒေသများရှိ အိုင်ဒီပီစခန်းများ
  • နမ္မတူမြို့ အိုင်ဒီပီစခန်းများ
  • သီပေါအကျဉ်းထောင်

 

ကရင်ပြည်နယ်


တွေ့ဆုံခဲ့ခြင်းများ

  • ကရင်ပြည်နယ် ခေတ္တ၀န်ကြီးချုပ်နှင့် ကရင်ပြည်နယ်အစိုးရ ကိုယ်စားလှယ်များ
  • အိုင်ဒီပီကိစ္စနှင့် ဒုက္ခသည်ကိစ္စရပ်များ၊ မြေယာကိစ္စရပ်များ၊ သဘာဝသယံဇာတ ကိစ္စရပ်များ၊ ကျား-မ အခန်းကဏ္ဍ သာတူညီမျှရေးကိစ္စရပ်များ၊ ယဉ်ကျေးမှုအခွင့်အရေးကိစ္စရပ်များ၊ တရားဥပဒေစိုးမိုးရေး ကိစ္စရပ်များ လုပ်ဆောင်နေသော အရပ်ဖက်လူမှုအဖွဲ့အစည်းများမှ ပုဂ္ဂိုလ်များ

 

သွားရောက်ရန် တောင်းခံခဲ့သော်လည်း ခွင့်ပြုချက် မရရှိခဲ့သည့် နယ်မြေဒေသများ

  • မြိုင်ကလေးဘိလပ်မြေစက်ရုံ
  • လှိုင်းဘွဲ့မြို့နယ် ၀ါးခုတ်တော

 

အကျဉ်းထောင်များတွင် တွေ့ဆုံခဲ့သူများ

ဘူးသီးတောင်အကျဉ်းထောင်

  • လုံခြုံရေးတပ်ဖွဲ့များကို တိုက်ခိုက်ခဲ့မှုများနှင့် စပ်လျဉ်း၍ ထိန်းသိမ်းခံနေရသူများ

 

လားရှိုးအကျဉ်းထောင်

  • Dumdaw Nawng Lat and Langjaw Gam Seng

 

ရန်ကုန်မြို့

 

  • ကမန်ကိုယ်စားလှယ်များနှင့် တွေ့ဆုံခြင်း
  • ရှေ့နေများ
  • မြေယာအခွင့်အရေး ကိစ္စရပ်များ၊ သဘာဝပတ်ဝန်းကျင် ကိစ္စရပ်များ၊ စီးပွားရေးလုပ်ငန်းနှင့် လူ့အခွင့်အရေး ကိစ္စရပ်များ၊ အထူးစီးပွားရေးဇုန်ကိစ္စရပ်များ၊ အမျိုးသမီးအခွင့်အရေးများနှင့် ကျား-မ အခန်းကဏ္ဍ ကိစ္စရပ်များ၊ ကလေးသူငယ်နှင့် လူငယ် ကိစ္စရပ်များ၊ အလုပ်သမား အခွင့်အရေး ကိစ္စရပ်များ၊ ငြိမ်းချမ်းရေးလုပ်ငန်းစဉ်၊ ဘာသာရေးလွတ်လပ်ခွင့်၊ ဆက်သွယ်ရေးဥပဒေ ပြင်ဆင်ရေး၊ တရားစီရင်ရေးနှင့် ဥပဒေပြုရေး ပြုပြင်ပြောင်းလဲရေး လုပ်ဆောင်နေသူများ
  • လူ့အခွင့်အရေးဆိုင်ရာ နိုင်ငံတကာ အစိုးရမဟုတ်သော အဖွဲ့အစည်းများမှ ကိုယ်စားလှယ်များ

 

အခြား

  • မြန်မာနိုင်ငံရှိ ကုလသမဂ္ဂ လက်အောက်ခံ အဖွဲ့အစည်းများ အစုအဖွဲ့မှ အဖွဲ့ဝင်များ
  • သံတမန်အသိုက်အ၀န်းမှ ကိုယ်စားလှယ်များ